لستة

هذا التطبيق مملوك لصاحبه، وكل حقوقه محفوظة. الشراء يعطيك حق استخدام التطبيق لهذه الصيدلية وعلى الجهاز المفعّل بس، ولا ينقل إليك ملكية التطبيق.

ممنوع نسخ التطبيق أو كوده، أو بيعه، أو تأجيره، أو مشاركته أو مشاركة كود التفعيل مع غيرك، أو محاولة تجاوز التفعيل.

بياناتك تنحفظ على جهازك، وإنت مسؤول عن نسخها احتياطياً. صاحب التطبيق ما عنده نسخة منها، فما يكدر يرجعها إذا ضاعت.

كل جهاز يحتاج كود تفعيل خاص بي، والجهاز الإضافي بسعر يتفق عليه ويا صاحب التطبيق. تبديل الجهاز مجاني مرة وحدة بكل سنة من تاريخ الشراء، وبعدها بأجور يتفق عليها. وفتح التطبيق من متصفح ثاني أو مسح بيانات المتصفح يحتاج كود جديد وينحسب تبديل جهاز.

العاملون يستخدمون نفس الجهاز، والبيانات ما تتزامن بين الأجهزة. وعلى الآيفون والآيباد ضيف التطبيق للشاشة الرئيسية، وإلا ممكن تنمسح بياناته إذا ما انفتح 7 أيام.

التحديثات الروتينية وكود استرجاع الرقم السري مجانية. أما الترقيات المستقبلية، مثل نسخة أونلاين، فهي اختيارية وتحتاج اشتراك إذا أرادها المشتري.

ضمان مجاني: عند أي خلل تقني بالتطبيق تواصل ويا الدعم، وينعالج مجاناً. وما ينرجع المبلغ بسبب الخلل.

فترة التجربة: إذا ما ناسبك التطبيق، تكدر خلال أول يومين من توقيع العقد تطالب باسترجاع المبلغ وإلغاء الترخيص، وصاحب التطبيق يحذف الحساب بنفسه. وهذا الحق ما إله علاقة بوجود خلل بالتطبيق.

عند استرجاع المبلغ أو مخالفة هذه الشروط، يحق لصاحب التطبيق إلغاء الترخيص، فيتوقف التطبيق وما يحق لك تستعمله، وتكدر تنزل نسخة من بياناتك.

قائمة العلاجات الجاهزة (حوالي 25,000 علاج) خدمة اختيارية يرفعها صاحب التطبيق، مجانية لأول 6 مشتركين، وبعدهم بكلفة إضافية 5,000 دينار. وهي للمساعدة بالإدخال بس، ومو مرجع طبي.

الدعم على الواتساب بالرسائل بس بدون اتصال، كل أيام الأسبوع من 10 الصبح لـ 10 بالليل.